BRUK 4. MORITSGARDEN
På garden var i eldre tid mange gamle brev som kunne syne ætta langt attende. Mykje av dette kom vekk for to mannsaldrar sidan. Noko er attfunne. Det har vore til stor hjelp for granskinga av denne gamle ætta som har fylgt garden i fleire hundrad år.
Fire av dei gamle breva er prenta i Dipl. Norv. og nokre ættbøker som har vore på garden, er teke vare på. I ei av desse ættbøkene har Rasmus Jakobsson Vassbotn ført til ei omtale av dei gamle Bjørkedalsbreva. Desse gamle skriftene syner eigedomsrett til Moritsgarden attende til om lag 1220. Dei gamle breva samanhalde med Jakobsboka syner og at det er inngifte mellom to ætter som har vore i S. Bjørkedal. Lista over brukarane kan setjast opp slik:
Håvard i Bjørkedal
Olav Håvardsson, d. 1300
Eiliv Olavsson, om lag 1335
Arne Eilivsson, om lag 1375
(Eiliv) Arnesson hadde son, Arne Eilivsson, Vik i Syvde.
Elling Eilivsson om lag 1450. Søner: Morten, Eiliv og Ola.
Voldasoga III, s. 306-307